'الكتلة السوداء ضد الميديا واللى حصل فى البلد الأيام اللى فاتت خلانا نتكلم ونعمل الفيديو ده' ، بهذه الكلمات بدأ أحد أفراد مجموعة 'الكتلة السوداء' أو 'بلاك بلوك' كلماته فى مقطع فيديو أنتشر على مواقع التواصل الاجتماعى 'فيس بوك' و 'تويتر'، والذى يُعد أول رسالة حقيقة من الحركة للإعلام منذ ظهورها.
وقال عضو 'الكتلة السوداء' فى حديثه : 'فيه ناس خدت شكل الجروب بتاعنا وبدأت تخرب وتدمر فى البلد .. واحنا عملنا الفيديو ده عشان نخلى الناس تفرق بينا وبين المجموعات دى.. احنا مجموعة من شباب الثورة اللى واجهنا الموت فى أحداث محمد محمود ومجلس الوزراء وماسبيرو.. ومش بنستخدم أسلحة متطورة.. أسلحتنا معروفة وكل المتظاهرين استعملوها'.
وعن هدف الحركة، قال إن هدفهم ليس الحرق أو التخريب، وإنما تدمير اقتصاد جماعة الإخوان المسلمين ليسقط نظامهم بالكامل ، مؤكداً أن الحل الوحيد لنهاية حكم الإخوان هو سقوط نظامهم الإقتصادى، بعد حكم نظامهم الفاسد للمصر والبراءات التى حصل عليها كل رجال النظام السابق، نافياً فى الوقت ذاته سعيهم للإضرار بأقتصاد الدولة أو بمؤسساتها.
وتابع :'مفيش حد بيمولنا ولا بيدينا فلوس.. ولو حد بيقول أننا بنتمول بقوله تاخد كام وتيجى تموت.. أحنا مكملين لغاية منسقط الإخوان ومش هنرضى ولا نقبل أن العسكر يرجعوا تانى ويمسكوا البلد.. لأنهم أثبتوا على مدار 60 سنة أنهم مجرد أداة قمعية مش أكثر.
شاهد الفيديو
